ამერიკულ კოლეჯებში ხელოვნური ინტელექტით ფიქტიური

შეერთებული შტატების საზოგადოებრივ კოლეჯებში თაღლითობის მასშტაბური სქემა გამოვლინდა. კიბერდამნაშავეებმა ხელოვნური ინტელექტის მოდელები გამოიყენეს. ამ გზით 15 000-ზე მეტი ფიქტიური სტუდენტის სახელით რეგისტრაცია განხორციელდა.

The Decoder-ის ინფორმაციით, თაღლითურმა ჯგუფებმა 10 000 000 დოლარზე მეტი ფინანსური დახმარების გრანტები მიითვისეს. კალიფორნიის კოლეჯების ონლაინ აპლიკანტების 20% ყალბი აღმოჩნდა.

ხელოვნური ინტელექტი ავტომატურად ავსებდა ფორმებს, ასრულებდა საშინაო დავალებებს და აბარებდა ტესტებს. სისტემა ვერ ასხვავებდა AI-ის ნამუშევრებს ნამდვილი სტუდენტებისგან და დაფინანსებას რიცხავდა.

ანალიტიკოსმა მარკ ჯენკინსმა განმარტა: „თაღლითები იყენებენ ხელოვნურ ინტელექტს, რათა დავალებები შეასრულონ და სისტემას რეალური სტუდენტის იმიტაცია აჩვენონ."

ვითარების გამო საგანმანათლებლო დაწესებულებები ბიომეტრიული ვერიფიკაციის წესებს აწესებენ. იუსტიციის დეპარტამენტმა გამოძიება 3 შტატში უკვე დაიწყო.