OpenAI-ის ახალმა მოდელმა GPT-5.6 Sol Ultra-მ 50

OpenAI-ის ახალმა მოდელმა, GPT-5.6 Sol Ultra-მ, მათემატიკური ჰიპოთეზის მტკიცებულება შექმნა. ორმაგი ციკლის თეორემა 50 წლის განმავლობაში ამოუხსნელი რჩებოდა. ხელოვნურმა ინტელექტმა მის ამოხსნას ერთ საათზე ნაკლები მოანდომა და 64 სუბაგენტი ჩართო.

მანჩესტერის უნივერსიტეტის მათემატიკოსმა თომას ბლუმმა ამოხსნას მაღალი შეფასება მისცა. მისი თქმით, ეს მარტივი მტკიცებულება 1980-იან წლებშივე იყო შესაძლებელი. თუმცა, მან გააკრიტიკა OpenAI იმის გამო, რომ ნაშრომში ძველი წყაროები მითითებული არ არის.

თომას ბლუმის განმარტებით, ამოხსნის იდეები ჯერ კიდევ 1983 წლის სტატიას ეყრდნობა, რომელიც მეცნიერებმა ბერმონმა, ჯექსონმა და იეგერმა შექმნეს. მისი თქმით, ხელოვნური ინტელექტი ხშირად იყენებს არსებულ ლიტერატურას სათანადო ციტირების გარეშე.

სისტემის წარმატება პრომპტის ინსტრუქციებმა უზრუნველყო. მოდელს დავალებული ჰქონდა მინიმუმ 8 საათი ემუშავა და აკრძალული ჰქონდა ქსელში პასუხის ძებნა. ალგორითმმა მტკიცებულების მომზადება 1 საათში შეძლო, რამაც მეცნიერების გაოცება გამოიწვია.