მარკ ცუკერბერგი აღიარებს, რომ ხელოვნური ინტელექტის

Meta-ს ხელმძღვანელმა, მარკ ცუკერბერგმა, თანამშრომლებთან აღიარა, რომ ხელოვნური ინტელექტის აგენტების განვითარება მოსალოდნელი ტემპით არ მიმდინარეობს. მისი თქმით, ბოლო 4 თვის განმავლობაში პროგრესი მნიშვნელოვნად შეფერხდა.

როგორც Reuters წერს, ცუკერბერგმა აღნიშნა, რომ რეფორმების დრო არასწორად შეირჩა. შექმნილი ქაოსის ფონზე, კომპანიის თანამშრომლები საკუთარი პროექტებისთვის კონკურენტების მოდელებს იყენებენ.

ეს ხდება მაშინ, როდესაც Meta 2026 წელს ხელოვნური ინტელექტის ინფრასტრუქტურაზე $145 მილიარდის დახარჯვას გეგმავს. CEO-ს ვარაუდით, პირველი შედეგები 3 ან 6 თვეში გამოჩნდება, რასაც ანალიტიკოსები ეჭვით უყურებენ.

პარალელურად, გასულ თვეში კომპანიამ შეაჩერა თანამშრომლების კომპიუტერების მონიტორინგის პროგრამა. ტექნოლოგიური დირექტორი ენდრიუ ბოსვორთი აცხადებს, რომ მომავალში ამ სისტემაში მონაწილეობა მხოლოდ ნებაყოფლობითი იქნება.