Meta ჭკვიან სათვალეს თვეში 19.99 დოლარიან გამოწერას

Meta-მ თავისი AI სათვალის მთავარი ფუნქციების სრულად გამოსაყენებლად თვეში 19.99 დოლარიანი გამოწერა შემოიღო.

Futurism-ის ინფორმაციით, ახალ პაკეტს Meta One Premium ჰქვია. პრემიუმ გამომწერებიც კი დაიბლოკებიან თვეში 15 საათის შემდეგ, გამოწერის გარეშე კი მფლობელები მხოლოდ 3 საათითაა შეზღუდულნი.

The Verge-ის ტექნიკურმა მიმომხილველმა სონ ჰოლისტერმა შეზღუდვის საფუძვლიანობა ეჭვქვეშ დააყენა: „თუ Meta-ს სხვა კომპანიასთან საიდუმლო სალიცენზიო გარიგება არ აქვს, მაშინ შეზღუდვა სრულიად უსაფუძვლოა".

ფუნქცია Conversation Focus ინტერნეტკავშირს არ საჭიროებს და ლოკალურად მუშაობს. მიუხედავად ამისა, Meta აქტიურ მომხმარებლებს იმ მოწყობილობისთვის ართმევს ფულს, რომელიც მათ უკვე შეიძინეს.

წინა თვეს კომპანია სკანდალში მოხვდა სახის ამომცნობი ტექნოლოგიის ფარული ჩართვის გამო. მიუხედავად ამისა, სათვალე მილიონობით ერთეულით იყიდება.