ერინ ბროკოვიჩი ხელოვნური ინტელექტის 142 ახალი

ამერიკელი უფლებადამცველი ერინ ბროკოვიჩი ხელოვნური ინტელექტის მონაცემთა ცენტრების წინააღმდეგ კამპანიას იწყებს. მისი ცნობით, აშშ-ში 33 ასეთი ობიექტი მუშაობს, 68 შენდება, ხოლო 41-ის მშენებლობა იგეგმება.

გამოცემა The Guardian-ის ინფორმაციით, ბროკოვიჩმა აპრილში გამოაქვეყნა მოწოდება, სადაც მოქალაქეებს პრობლემების გაზიარებას სთხოვდა. ონლაინ ფორმით უკვე 7 005 საჩივარი შევიდა.

მსხვილი ობიექტები გაგრილებისთვის დღეში 5 მილიონ გალონ წყალს მოიხმარენ, რაც 50 000 ადამიანის მოხმარების ტოლფასია. მოქალაქეები კომუნალური გადასახადების 22-დან 350 დოლარამდე ზრდაზე ჩივიან.

აშშ-ის 79 მუნიციპალიტეტმა სცადა მორატორიუმის გამოცხადება. ტეხასის ჰილ ქაუნთმა, რომელმაც პაუზა გამოაცხადა, დეველოპერებისგან 100 მილიონი დოლარის სარჩელი მიიღო.

ბროკოვიჩი დასძენს, რომ მისი კამპანია რესურსების გონივრულ მართვას ისახავს მიზნად და არა ტექნოლოგიასთან ბრძოლას. მისი თქმით, მხოლოდ ხალხის გაერთიანებას შეუძლია მათი შეჩერება.