კომპანია xAI სასამართლოში უჩივის Grok-ის მომხმარებელს არალეგალური ფოტოების შექმნისთვის

ილონ მასკის xAI სასამართლოში უჩივის Grok-ის მომხმარებელს, რომელმაც სისტემა არალეგალური ფოტოების შესაქმნელად გამოიყენა. ტეხასის სასამართლოში წარდგენილი სარჩელის თანახმად, მომხმარებელმა გვერდი აუარა უსაფრთხოების ბარიერებს.

Reuters-ის ცნობით, ბრალდებული ტერი ვეინ ჰარვუდი, რომელიც 67 წლისაა, მარტში დააკავეს. xAI აცხადებს, რომ ჰარვუდმა სპეციალურად მორგებული კითხვებით შეძლო აკრძალული სურათების გენერირება Grok-ის 2 სხვადასხვა ანგარიშის მეშვეობით.

ციფრული სიძულვილის წინააღმდეგ ბრძოლის ცენტრის მონაცემებით, 11-დღიან პერიოდში Grok-მა 3 მილიონი სექსუალური ფოტო შექმნა, მათ შორის 23 000 ბავშვების. ამავდროულად, xAI თავად ებრძვის რამდენიმე სარჩელს მსგავსი მასალების გენერირების გამო.

უსაფრთხოების ფარგლებში, xAI-მ 2026 წელს 52 222 ანგარიში შეაჩერა და გაგზავნა 73 604 შეტყობინება NCMEC-ში, რამაც 244 ადამიანის დაკავება გამოიწვია. თუმცა, ექსპერტები აღნიშნავს, რომ მხოლოდ მომხმარებელთა დასჯა ვერ შეაჩერებს საფრთხეს.